لاباس ياللي مدهلٍ للنشاما=يابو فهد ياذخر ماعقّب العود
غادرت ربعك في نهار الصياما=يالله عساك بكامل الصحة إتعود
غيبتك ساعة كنها صرف عاما=وعودتك والله فرحةٍ مالها حدود
واعذب حروف الشعر زين الكلاما=تنقاد لك ياللي بك الطيب معهود
الطيب في وجهك يشع بعلاما=ويمناً مضريها على الكسب والجود
والحمد لله يوم صارت سلاما=سلامةٍ من خالق الكون معبود
جعلك بصحة دوم تبني الخياما=جزاع وإن عدّو هل الجود موجود
مرقاه بالعليا براس السناما=ياكثر مايفعل وعينة على الزود
العد هداجٍ سقاه الغماما=جمة غزيز وكل يومٍ لة ورود
طيبٍ مورث من خوال وعماما=وإن شلهبن البيض تتبعهن السود
لبو فهد مني رفيع المقاما=مدحٍ على برهان ظاهر ومشهود
من أخوان ريّا مرويين الحساما=لاجاء نهارٍ فية شعلة وبارود
من دونها يروون حد الحساما=على المهار السرد والعلم مردود
لاصاح صيّاحٍ بروس العداما=يفرح بهم رجلٍ من عداه مضهود
صلوا على الصادق شفيع الأناما=يامسلمين أعداد ماهبت النود