يارفيقي ما على الدنيا ملامه=لاتقول إن شِرْبها ماهو بصافي
مرجلتك بيدك يامـال السلامه=لاتسمّع فــي أقاويل الضعافي
كان مالك مع هل القامات قامه=أضعف الإيمان خل الستر ضافي
وكان مالك مع هل الشدات هامه=لاتمشّى فوق رمضى نجد حافـي
كـل رجـّالٍ تعرْفه مـن كلامه=لاحكى يظهر لك اللي كان خافي
بعضهم يندم على هرجه ندامـه=وبعضهم هرجه كما حد الرهافي
والرجل من دون لايحزم حـزامه=فـي شديد الوقت ولاّ فـالعوافي
كنّه اللي من بعد مااضـفى احرامه=فوق جسمه.. اعتمر دون الطوافي
بختصر لك كل هرجي في ختامه=وانـتبه لامن نصحك انسان وافي
الـهلامـه مايخاوي إلا هلامـه=والسـنافي يـشتري خوّة سنافي