الصدر ضايق والهموم اتعبني=والدمع هل من العيون السهيره
والحال شان وخيب الزين ضني=والقلب ماتت به مشاعر كثيره
الهم جاني والفرح راح عني=حسبي عليه ان كان صالح اسيره
لو البشر تدري بهم (ن) سكني= ل/ كبر هموم الناس تصبح صغيره
بشكي على اللي يحس فيني ومني=عادل أخوي اللي يحب الستيره
ياخوك انا من بعدها في تدني= وأخاف من عيني لاتصبح ضريره
بسباب منهو فالمحبه طعني= وأكبر مصيبه كيف حدد مصيره
كنا سوى وتقول أقسم باني= ياقلب صالح مايجي قلب غيره
ثم أرسلت لي اسهومها وصوبني=وصارت حياتي من بعدها مريره
ياخوك هم(ن) ف/الضلوع امتحني=تايه وضايع ف/ الحياه القصيره
انا أشهد إن هموم بقعا طوني= وأنا اشهد إن جروح قلبي خطيره
لامن طرو لي أسمها قمت أغني= وأجر صوتي كل صبح وظهيره
واليوم صافحت المشاعر وأهني= كل الجروح اللي بصدري كبيره