على طاري الفراق اللي يجي غصب وبدون خصام=بعلمك بمصير "الروح" لامن صرت وحداني
إذا ربي كتب فرقى مشاعرها مع الأيام=ندمها للهوى أكثر ندم من أيّ شي ثاني
ياليت أرواحنا بأحساسها "قلبين" بس "أيتام"=ماكان نحسب للفرقى"حقيقة"قدر الأمكاني
وكان نعيش نبني من خيالات الأمل أحلام=وصبر وتضحياتٍ فالمواقف عمرها فاني
نحس إنا أهل بعض بشعورٍ في وضوحه تام=ولامنا زعلنا نجهل المجني من الجاني
نحس إنا بحاجة بعض دايم ماهو (عام!)و(عام!)=يوحد روحنا,حب,وغرام, وطهر وجداني
قسم بالله لاأختم لك من الخنصر ليا الإبهام=بأني ماأخونك "عشرته" لو فوق جثماني
أنا اللي مايغيره الزمان المر لو ينضام=عزيز ولو على خبزة ولامديت جوعاني
أنا اللي مالقيت اللي يشابهني نقى وهيام=وعاملتك مثل روحي رضيت أوكنت زعلاني
أنا قد عشت فالدنيا غرابيل,وألم,وأوهام=وش الفارق ليا فارقت؟ أكيد أعيد وأعاني
أنا أدري إن روحك صافيه والجد مانتلام=ألوم الوقت ماأوجد شبيهي بين أقراني
..نهاية.. ماعرفتيني..وإذا عشتي الشعور العام=تعرفيني بوفى الذكرى "وكان يسويّ وكاني"