سلام برقيـة لهـا بالوفـاء شعـار=يا روس قوم عزهـا مـن عقولهـا
أهل السيوف اللي اليا صار ما صا=وبالبندق إلي يردع النـاس هولهـا
اليا قيل جو مطير والحرب قـد ثـار=اليا أحتمت والحرب دقـوا طبولهـا
مطير حمران النواظر هـل المهـار=المسرجات اللـي تنومـس فعولهـا
اليا صاح صياحٍ وجاء عـج وغبـار=شيخـان بالقـوات تسمـع فعولهـا
مطير تشب الحرب وترفـع أشعـار=تهجد لهـا بقعـا وتبـرك رحولهـا
صغارهم في حـزة المعضلـة كبـار=وكبارهم لجمـوع الأريـا زحولهـا
ما عندهم يمنـة ولا عندهـم يسـار=قـدام لـدروب المراجـل وصولهـا
أمجادهـم تنشـاف وديارهـم ديـار=حامينهـا بالسيـف محـدأ ينولهـا
مطير نـاس بالوفـاء تكـرم الجـار=عـز اقصراهـا فاليالـي وهولـهـا
مثل البحر أمطيـر ثابـت ولا سـار=يشهد لهم عرض الجزيرة وطولهـا
اليا جاء نهار الضيق ترخص الأعمار=أقولهـا والنـاس قبلـي تقولـهـا
تحيتـي للقـرم هـلال بـن شـرار=لطويق واللي فـي بريـدة وحولهـا
أبوعقـاب اللـي لـه قـدر وقـار=يعـدل الميلـة ويثبـت عدولـهـا
أمقيـم لطرقـي فـي شبـت النـار=اليا شب نـاره والمساييـر جولهـا
كفه محيط للعطـى مـا بـه أشـوار=ما حط بالمخبـاه عنـك أمحصولهـا
اليا نويت الخير رحله علـى الـدار=أدلال مجذيـة وربـعـاً عنولـهـا
له عين تقدح في عيون الردي شرار=وله عين تشربها المراقـي قذولهـا
كساب طالة قرم من روس الأحـرار=مـا فيـه طالـة عـزة الا يطولهـا
هلال لا من الظروف اقبسـت بنـار=يهل مزنـه ليـن يطفـي شعولهـا
والقافلة لا سيروهـا علـى المسـار=ترتاح فـي داره وترخـي حمولهـا
ما كل من قرر يوفـي لـه القـرار=و المرجلة مـا كـل واحـد ينولهـا
من روس بالحارث هل النار والمنار=تحيـة ابـن سعيـد للـي وفولهـا
لمطير وفـراد المياميـن باختصـار=واللي يثمـن هبـة الريـح أقولهـا