ليش الثواني يالغـلا عاندتنـي؟=تحسب على قلبي حساب الدقيقة
وليت السلوم القاسية ساعدتنـي=ياأم الخدود الناعمـات الرقيقـة
دنيا الغرام براحتـي واعدتنـي=ولا لي على شوفك سبيل وطريقة
كل ماقربت لمنزلـك باعدتنـي=أمواج جفـنٍ لا لمحتـي بريقـة
ياما بكت جدرانـك وساندتنـي=وياما على ضمك عيوني غريقة
باشرتك ودنيا اللقـاء قاعدتنـي=وحقي بعد خمسة شهور الحقيقـة
بصبر لمن بحلامهـا شاهدتنـي=وأنا عليها أشواق قلبي حريقـة
قبل اللقاء عهدي لمن عاهدتنـي=بإحساسها درب الجفا مانطيقـة
يازين من في جوفها جاهدتنـي=ولاعلمت بي غير زهر الحديقة
اللي شعرهـا كـل ماناهدتنـي=طار بسكر شوقٍ عجزنا نفيقـة
أنا قصيـدٍ ذآآآب فـي ناقدتنـي=تبغى تقوله وأثمل الحرف ريقـة
وأنا ادري إن الغاليـة فاقدتنـي=وإن المشاعر لإستهامت دفيقـة
تنعس وتسرح كأنهـا راقدتنـي=يسعد أبو ذيك العيـون الشويقـة
أضل "شمـع" الثانيـة واقدتنـي=وأبقى بعد "خمسة شهور الحقيقة"