{مدخل:
وش بينك و بين المدينة و الشـوارع والقصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب
.
.
وش رايكم ياهل الوجيه المطاليق
ناخذ لنا في اول الوقت زرقه
نبي نعلق في العروق المعاليق
ونشب نار ونعطي الجو حقه
.
.
فنجالها ياشهيل واقنادها هيل
واللي مسويها يمينه عذيه
البر هو زادي وحبي وسلواي
واللي بيخاويني حجاجه يفله
عندي منام الطعس والرمث مركاي
اغلى من القصر المشيد وزله
اشيل بارودي على الجيب وغذاي
دايم تراجل والمقفي تذله
.
.
يالله يا عالم خفيات الأسرار
ياللي بكاف ونون كلش تديره
اجعل صحارينا مليه بالأزهار
والعشب الأخضر والنفل والربيله
وريح الخزام اللي كما ريحة بهار
قهوة رجاجيل الكرم والفضيلة
.
.
لاواهني اللي دوامه على الكيـف
وإليا بغى المنهاج ينهـج بكيفـه
ساعات في لندن وساعات بجنيف
هذاك مرباعـه وهـذا مصيفـه
مهوب مثلي ياخذ شهور ماشيف
في وسط كوخ وخايف من عريفه
.
.
تستاهل الفنجال لا مال ظله
من دلة يعبا لها خمسة أنواع
في مجلس راع الشرف مايمله
و سوالف يطرب لها كل سماع
و نار توقد ما حطبها بجلة
و نجر يصوت كنه الذيب لا جاع
الرد
يا مرحبا ترحيبة المستهلة
وسمية براقها دوم لماع
تنثر بردها و كل ريع تعله
ومن عقبه الديرة يتهيا لها إرجاع
في مدهل راع الغنم ما يدله
تلقى الجوازي و الحباري به ارتاع
بالصاحب اللي ما حصل منه خلة
وافي و لا دوّر ورا ربعه أطماع
.
.
اليا طرى طاريك جبت المعاميل
وشبيت لي نـاراً سناهـا توقـد
وسويت من كيف النشامى الحلاحيل
اللي عزايمها على الضيم تشتد
دله وصافيها أشقر البن والهيل
فنجالهـا يشفـي جروحـن توقـد
.
.
ياماحلا الفنجال مع سيحة البال
في مجلس مافيه نفس ثقيله
.
.
لاضاق صدري شلت صفر المعاميل
ونزلت لي في راس ضلع منيفي
أجر صوتي في قصيد ومواويل
وأشب ضويـــــــــي لو أنا بعز صيفي
وأدنيت يمي عزبة البن والهيل
وسويت لي كيفن على كيف كيفي
.
.
النار شبت والنشاما تـبـي الكيف
واللي يـبـي الفنجال يقلط عليه
.
.
.
بعض المسميات ...
الحزم
الأرض مستوية لانبت فيها ويكون بها عادة حجارة صغيرة ..
الصيهد
ما أرتغع من الرمل عن الأرض المستوية ارتفاعا قليلا ..
الجو
الأرض المستويه والممتدة وبها نباتات وأشجار .
الأبرق
منطقة رملية بين جبال . .
الضلع
الجبل الصغير .
الطعس
المرتفع من الرمال .
الثنية
الفتحة بين جبلين .
الفيضة
الأرض الواسعة التي يجتمع فيها الماء من الأودية ويكون فيها أشجار دائمة والنباتات الموسميه
الخب
الأرض المستوية بين الرمال وليست رمليه ويكون فيها أشجار ومراعي .
الشعيب
مجرى السيل وهو أصغر من الوادي .
الصفرا
الأرض الصخرية التي يحيط بها جبال .
الرقة
الأرض المنبسطة .
الجندلية
وهي الأرض المستوية بين الرمال
وفرقها عن الخب أنها كبيرة المساحة
الصبخة
الأرض الترابية المشبعة بالملوحة (تكون الاملاح ظاهرة على السطح) .
الدحل
فتحة عميقة داخل الأرض بها ماء وتمتد للداخل .
الجرف
المكان الذي جرفه السيل وترك فيه أثرا ويكون منحدرا
الدحديرا
النزول من المرتفع الى منخفض حاد الانخفاض
الريع
الطريق بين الجبلين
الصدع
انشطار مستطيل بامتداد مساحة من الأرض ...
:مخرج}
البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب
مما راق لي
دمتم بحفظ الرحمن .
م/ن
01-27-11, 12:42 AM
اليا طرى طاريك جبت المعاميل .. وشبيت لي نـارٍ سناهـا توقـد
جديد منتدى ملتقى الرحلات والمقناص
![[عامر المضحي]](http://www.almodhi.com/m1m.gif)
العرض العادي
