طاروق بين ضويحي العمااااني و هزاع المطيري في احد المنتديات

هزاع المطيري




سلام الله سلام(ن) يبتهج من مبتداه قلوب
وريح المسك والكادي محيطاتـه تعجبهـا
ابا اسوق المطيه لين تبدي عالي المشذوب
تزرفل بالحموله والحبل من فوق غاربهـا




ضويحي العماني




هلا يا مرحبا ترحيبة ٍٍ ما تخلِف الماجوب
على سَلم الحرار اللي عريبات ٍ مناجبهـا
يا هزاع المناوي سلعة ٍ ما توفي المطلوب
تشرّقها على مـد النظـر والا ّ تغرّبهـا



هزاع المطيري




مدام الشعر اله عندك مكانه عاليه واسلوب
كسبت النادره والنادره عادتـك تكسبهـا
بلشنا في قضيه ترتجف منها دول وشعوب
قضيه مبهمـه مابيـن قاريهـا وكاتبهـا



ضويحي العماني




الا يالشاعر اللي لك مقام ومنـزل ٍ محسـوب
عوايـد دورت الايـام ماتصفـي مشاربـهـا
تثور ابنا الفتن يا صاحبي من كل حدب وصوب
ونيّـات الصـدور الله يعلـم وش مغايبـهـا



هزاع المطيري




ذكرنا اللي ذكرنا وابتدا مشوار ابو يعقوب
سنا شمس الحقيقه تعجز الانذال تحجبهـا
جمال البدو في حكمت بعير البدو ابو لغبوب
وابو لغبوب مايدري بمشرقهـا ومغربهـا



ضويحي العماني





يا حمران النواظر شمسكم مانورها بمحجوب
ولكن البـدو عيّـت تعلّـم مـن تجاربهـا
ولا ينلاّم في ما صار رادار الوهم والطـوب
يغفر قصورها يا خوك مـن دوّر مكاسبهـا




هزاع المطيري




على هونك توقع والمطيه ديسهـا محلـوب
على خمس الاصابع طاوعت مع غير حالبها
نشدتك ياضويحي قلت فنجال العرب مشروب
ليا حمي الوطيس وشبت الفتنـه شبايبهـا


ضويحي العماني





أصدد عنك وأكسيها من ثياب المعاني ثـوب
وأشوفك يأخطل اليمنى تبي تفضح معايبهـا
يأهل عبدان ما بحر الهلالي مطابق المسحوب
ولكن ما كتب ربي علـى الاجـواد صايبهـا



هزاع المطيري




على كيفك تصرف يا مجمل وجهها المشحوب
تزينـهـا نزينـهـا تخربـهـا نخربـهـا
صحيح انتم صبرتو فالليالي مثل صبر ايوب
وضاقتبك حجاز الخير مـع نجـد ومناكبهـا



ضويحي العماني



يا هزاع المطيري ما تضيق الاّ علـى المغلـوب
ويمنى ً خالقـك فـي عونهـا محـد ٍٍ بغالبهـا
ويوم انها على اولها .. قبل ذا الزيف و الملعوب
وحنّا أهل القسوم اللـي سوانـا مـا يفوزبهـا






ودمتم بكل خير