تعالي وينك الليله؟ أنا مشتاقِ لك بالحيل=تعالي مابقى لي صبر..شوقك ماتحملته
تعالي ياغلا روحي دخيلك من طويل الليل=طويل الليل يعني لي ضياعٍ ماتخيلته
أحس بداخلي بحرٍ على سطحة طفح قنديل=يضوّي صدري المضلم بعد فرقى مجملته
على رمل الشواطي شخص,جالس,والهبوب تشيل=شماغه,والبدر غايب,ورجوى النور أكهلته
كأن البحر لا جاء موجه فعين الجليس يخيل=جماله.. مادرى إنها دموعٍ لا لفى دخلته
رمى منديلة فبحر بكى من بلّت المنديل=تكاثرني تعب بله عيونه يوم بللته
ألا يابحر.. لاتسأل؟ عيونه عن مفيض السيل=مفيض السيل من واهج غلاها لاتأملته
فقد له روح طاهرةٍ معودته على التدليل=وعزي لمن قفد روح مع الأيام دللته
لها شووقٍ يسوي به سوايا كافرٍ قتّيل=فلو ماجاء لك بقلبه لقيت أشواقها قتلته
عطاها من الغلا شيٍ تكاثرْته وهو قليل=عيون الشوق هذي هي.تكاثر ماانت قللته
تقبّل من تسمى به صغيرٍ حظة التقبيل=على شان إسمه الغالي ليا نادوه قبلته
تساعدها براءه طفل,مايعرف على التمثيل=ليا من قال أنا "عادل" ضحك.ثم عادت إسألته
الا يابحر خذ مني وعد مايقبل التأجيل=وعد كنه أجل عمري ليا من جاء ماأجلته
إذا مارتل الفجر القريب بجيته ترتيل=تزوره جيتك بكرة وعندالله,,منزلته