الا يامرحبـا ترحيبـةٍ تجمـح تجمّـاحـي=وسط صدرٍ يحدحدها ولكـن جـات طفاحـه
يقول أبك إركدي قدرك مايلحقة الذي صاحي=وقالت مالحقني شك مع أهل الطيب مرتاحـه
تناحي برق إبن مهلك ويومن برقهـم لاحـي=يصيح الصايح من القوم ماتسمـع تصيّاحـه
وألا يامرحبـا ترحيبـةٍ ماجـت بملواحـي=توكّر روس حمران النواظر حيييل صدااحـه
يقول المهلكي أهلا من المضحي عن فشاحـي=مقدمنـي بتقديـرة وهـو ماتقصـر شباحـه
لفيتو من بعيد ومن قريـب وطيبكـم فاحـي=صدور الطيبيـن أمثالكـم بالطيـب فواحـه
لفيتو والفرح منكم تزايـد فـوق الأفراحـي=جزى من يكسب النوماس لازم يجني أرباحه
وأنا ماأمدح سوى الطيب وعنّه تقصر أمداحي=وهافي الناس لو تمدحـه ماسـرّك تمدّاحـه
يفز إليا نصيته وإن عطيته حملتـك طاحـي=يقوم اللي نصى بيته مجيّـة مثـل مرواحـه
عزاز نفـوس ياربـعٍ معزتهـا فالأرواحـي=ماهز رجالها صلف الزمان وقاسـي رياحـه
هلا بمطير حمران النواظر عز من صاحـي=نهارٍ فيه عصبات العمايـم فـووق طوااحـه
قسم ياشيخهـم فالليـل مايهنـى بالإمراحـي=ويظهر قلب خبـل القـوم لاكثّـر تسدّاحـه
هل الردات معروفٍ سطاهـا حيـل قداحـي=ألا ياكم شيـخٍ قـدم عينـه صفـو مراحـه
ليا منهم تناخـوا بالجـدود القـوم طرّاحـي=يجي للي نجا منهـم علـى البيـدا ترنّاحـه
تحت راية أخو جوزى بسيف وشلف ورماحي=رجالٍ من يعاديهـم كسيـرٍ فـارق الراحـه
وكـلٍ فيـه خيـره يومهـا ذابـح وذباحـي=صناديـد القبايـل دوم للوقفـاتِ نطّـاحـه
ولا يالله جملنـي مـع اللـي دوم دمّـاحـي=قصيدة شاعرٍ ماجـت بمشعابـه ومسباحـه
نقية مهلكيٍ ساقهـا مضحـي عـن فشاحـي=مقدم به من التقدير وهـو ماتقصـر شباحـه