بديت بحرف من آخر كلامٍ إنتهى لي فيه=نقاوة ذات قرآن الغلا واجمل تراتيله
حكايه للغموض المحترم واللي نقى راويه!="أصاله تختصر أصلٍ يجنني تفاصيلة"
تحية فرض في شرع البياض ولاهي فتاليه=تقال فأوله.. لأن العطر يسبق أكاليله
صباحات النقاء وأجمل عذوبه من ندى كفيه=عرق وقت الإيثار اللي روينا من مناهيله
مساءات العطا يابسمة عاشت ثلاث وجيه=طيبه, تضحية, أصلٍٍٍ يشرفني إنتمائي له
وأنا ماهمني تفكير من فكر بما أعنيه؟=لأن قلبٍ عنى لي بإحترامة لازم أعني له
وأنا لو كنت أبشفر بيوتي كان مايمديه=بلش في واحدٍ منها كثيراتٍ تحاويله
ولكن من جزاك بخير . ترد الخير له تجزيه=بماجازاك به وأكثر. ماتجزاه بتقاليله
وأنا مهما عطيته شي ماقارب لما يعطيه=يفوق اللي عطاه الناس شخصي وإحترامي له
عزيزٍ معدنه طيب سلم لي راسٍ مربيه=عساني ماخلا من نظف معدنه وتداليله
تداليلٍ تخلي واحدٍ باعك تقووول أشريه=تاخذ لفةٍ وأنت فمحلك ثم تمشي له
عطاه الله من إحساس الحلاوه شيٍ يخفيه=يجي بأطرف لسانه سكر الحرف وتعاسيله
أنا عفويته هذي تجنني وأنا مخاوية=أجل وش لون من حبه وانار بغرته.. ليله
بيضحك له زمانه بالهوى يالين مايشقيه=وإذا أشقاه ياويله من الدمع وتهاويله
صغيرٍ ياكبر عقله على مااشعره وأستوحيه=كبير ياثقل عقله ليا كثرو مهابيله
رزين منظره يلفت ثقيل قال أنا ماأبيه=ليا شافه يجر من الطويله في مواويله
ينومس لاحظر هالناس وأولهم "هنا" محاكية=وريث الطيبين اللي مبرقع في مداهيله
(ألا ياكبر قلب مالقيت لداخلة تشبيه=ولاياضيق وقتٍ معه تسرقني تعاليله)
لياسجيت ثم شفته تقول إني أباناديه=ولا أصحى إلا بكلمه واحدٍ "بسمتك وشهي له؟"
خيالٍ العز ياعيني تحسينه وولاشفتيه=يشوفك مثل ماشفتيه خيالٍ في تماثيله
بعيدٍ بس ياقربه لنفسٍ صافيه تغليه=قريبٍ بس يابعده عن الخبث وجهاهيله
أحاول ودك الطاهر..صراحة إني اغطية=ومن يقدر يغطي من يغطي البدر بالشيله
حسد نور البدر "قلبك" ترى ماهو غزل ياهيه=شعوري مارضى منك بغير الذوق تأويله
أهيم إليا مدحت اللي سواتك.. لاتساءل ليه؟=لأني ماأعرف الا إنه "هيامٍ صعب تحليله"