انت حالي تقرأ موضوع: إن لقيت الضيف يخطي ردعته عن خطاه ( سوار الذهب وحبيب العازمي)

08-21-10, 07:00 AM

سوار الذهب

عد نوّاً حـن فيـه الرعـد وأنكـب مـاه
مرحبـا والعلـم قـدّام والمخـرج ملـي
الصحيح يقـال والمـوت ماعقبـه حيـاه
مير أنـا وشلـون أرد العتيبـي "عبدلـي"

حبيّب العازمـي

البقا والرجل يدري عن أرضه من سمـاه
يالمطـاري ردّهــا لاتلقيـهـا الخـلـي
الحيـاه أحـلام والمـوت مادونـه نجـاه
كيف نعطيك الجمل وأنـت تبغالـك طلـي

سـوار الذهـب

أنت ياللي تدفن الفقر فـي ثـوب الغنـاه
أنتبـه يالعازمـي وأستمـع فيمـا يـلـي
المعاني في سراهـا وكـلاً فـي سـراه
أنت ياللي تلتفـت فـي شـدادي وجملـي

حبيّب العازمـي
أنت ياللي نص كفّـك تقـول أنـه مـلاه
كل ماقلت لك وش صارلك ماقلـت لـي
أبسط فراشك على مرقدك وأرقـد عـلاه
أنت عينك نايمـه مـار دمّـك يصطلـي

سـوار الذهـب:
والله أنّـي مارميتـه لـكـن الله رمــاه
كيف جاب الشافعي فـي مكـان الحنبلـي
رمـح قدامـه ورمحيـنـاً باقيـتـن وراه
واحداً جنبـه سـوات المليلـه يصطلـي

حبيّب العازمـي:
ياخوالي ساعدونـي علـى خالـي هـذاه
حان قـدره دام صـدره يفيـض ويمتلـي
لايطول العلم ويضيـع وجهـه فـي قفـاه
أنهجوا نهج الصحابه وابو طالـب علـي

سـوار الذهـب:
إن لقيت الحب واجب علـي أدرج رحـاه
ماتفيـد العنـدلـه يالعمـيـل العنـدلـي
مستعد بجـد أنشّـب لسانـه فـي جمـاه
ماعلينا لـو تضيـق العـوازم مـع بلـي

حبيّب العازمـي:
مار أنا ماأخطي على واحداً ماأحصي غلاه
يوم أجي في ديرتـه كنهـا ديـرة هلـي
وإن غضبنا من يبـا حربنـا نلعـن ثـواه
ربنـا الله والله اللـي علـى خلقـه ولـي

سـوار الذهـب:
يحسبـنـا محتفيـنـه وحـنّـا مانـبـاه
مـار روح لـزور بابـل وخلـك بابلـي
من يردّ العازمـي قبـل لاتومـي عصـاه
لوبغيت أكويته كويـة عـذاب يحـق لـي

سـوار الذهـب:
وش تسمّون الـذي مايبـا ضيفـاً نصّـاه
لاتــدوّر للـبـلاوي وبـكـره تنبـلـي
ليت عبدالله ليـا طـق رأسـه فالحصـاه
يعتبـر ويقـول طقّـه علـى قـد عملـي

سـوار الذهـب:

إن لقيت الضيف يخطي ردعته عن خطـاه
ياسفينـه واصلـي ياسـريـه هـرولـي
مابغينا نكشـف اللـي تحـت كـمّ العبـاه
ماكلفت العازمي عـن رضايـه وزعلـي

حبيّب العازمـي:
صاحبي قـدّام طيبـه يجـي بالـي رداه
ياصواقـع حوّلـي يـازلازل زلـزلـي
خابرين القدر والقدر ليـه أكشـف غطـاه
دام جدّي خال لك وأنت جدّك خـال لـي

سـوار الذهـب:
والله أنّي ناصحه مار سـاري فـي عمـاه
والسماء نـوره يبـوج الظـلام وينجلـي
الدعـاوي ماتبـى لا شهـود ولاقـضـاه
الله أنّـه ينصـر الديـن ويخليـك لــي

08-21-10, 06:03 PM

محاوره في الصميم

صح لسان الشاعرين القدرين ..
والف شكر لك اخي على النقل

08-21-10, 10:36 PM

الله يعطيك العافية سلمان
فعلاً محاورة في الصميم .. تسلم يمينك يالقرم

08-23-10, 03:04 AM

يعطيك الف عافيه .. محاوره جميله ورائعه..
أشكرك يالغالي ..
إحترااامي لك وتقديري

08-23-10, 04:07 AM

محاورة رائعة والله يعطيك العافيه يابو عادل

08-23-10, 04:43 AM

الله يعطيك العافيه يابو مبطي .. على هذه المحاورة المميزه

ولدي ذائقه جميل جداً اثناء النقل اهنيك عليها

اخوك عامر المضحي

02-02-12, 03:27 PM

شعراء من فحول الشعر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
محاورة بين ابراهيم الشيخي وحبيب العازمي	سلطان غزاي	ملتقى ساحة المحاورات الشعرية	5	02-02-12 03:34 PM
{ سيف الذهب }	بدر بن فريح المضحي	ملتقى الشعر النبطي والأدبي	2	05-10-10 08:25 AM
لماذا حرم الله الذهب على الرجال؟؟	سلطان غزاي	ملتقى الشريعة والحياة	3	04-10-10 12:04 AM
وجوب إكرام الضيف	الحميدي عوض	ملتقى العامه	10	02-07-10 11:58 PM
\|\| حبيـٌب العازمي x عبدالله الميزاني \|\|	احمد بن حوال	ملتقى ساحة المحاورات الشعرية	18	12-30-09 11:02 AM

الذين يشاهدون محتوى الموضوع الآن : 1 ( الأعضاء 0 والزوار 1)

انت حالي تقرأ موضوع: إن لقيت الضيف يخطي ردعته عن خطاه ( سوار الذهب وحبيب العازمي)

إن لقيت الضيف يخطي ردعته عن خطاه ( سوار الذهب وحبيب العازمي)

للمحاورات الشعرية المباشرة بين شعراء المنتدى