انت حالي تقرأ موضوع: الطير

08-06-10, 11:19 AM

بسم الله الرحمن الرحيم

اقدم لكم اليوم قصيده للشاعر سعد بن مطلق المطيري يتوجد فيها على طيره وهي مهداه إلى الشاعر الكبير سعود بن رزن العبدلي و يقول فيها:


	يا سعود يا وجدي على الطير يا سعود الي غدا بين الفجج و العجامي طلع و يا ليته عن الطلع مردود يا ليت ما فكوا سبوق القطامي عاينت له لين شوفي غدا بدود ثم حال من دونه جذيب و عدامي عديت بالملواح وقفت به النود اقفا يجاذبه الهواء و العدامي غدا ولا عن طيري اليوم منشود حط أعبليه بايسره يوم حامي اشكي عليك الحال يا محتم القود يوم انت من ربعن تشد الحزامي يابن رزن يا زبن من جاه مضهود يا معرب الانساب خال و عمامي ابغاك بالواجب تقف و قفت العود و تصيب لو يخطي الهدف كل رامي و الله لارسلي مناديب و جنود و انشر لك البيضاء جنوب و شامي و انشر لك البيضاء مع الترك و هنود و من حج بيت الله و لبس الحرامي الشاعر سعد بن مطلق المطيري

و رد الشاعر سعود بن رزن العبدلي على قصيده سعد بن مطلق المطيري بقصيده يقول فيها :


	يا العبدلي لا تشتكي ارق بسنود مد الفراش و نام وقت المنامي الطير ما هو رزق للعبد محدود فسحه ولعه للرجال الكرامي لا تشتكي طيرك من اليوم موجود عليك وصفه و الثمن من حزامي طيرك يصيد و تالي الوقت مصيود تلقاه يكفخ مثل طير السلامي ما هو موزمٍ له مداوير و جرود طير مع اللجه قفاه العتامي و ماهو موزمٍ له مشاريع و بنود خمسة حروف اترجعه بالتمامي ترى الكريم يجود و يجود و يجود و انته حداهم يا رفيع المقامي الطير قبله راحو اعمام و اجدود اوساع الطعون مبعدين المرامي ماهو بطيرٍ ياكل النمل و الدود لا يزعلك يا شوق حان الوشامي و انته رجل ما يسهرك راس عمرود اسمع كلامي يا الرفيق العصامي الشاعر الكبير سعود بن رزن العبدلي

08-06-10, 10:58 PM

صح الله لسان الشعراء .. سعد بن مطلق و سعود بن رزن

صوت وصدى رائعين ... و ما قصر أبو منصور يوم قال

لا تشتكي طيرك من اليوم موجود
.......................عليك وصفه و الثمن من حزامي

كفو يابو منصور ..

لا هنت يابو ريما على هذا الإيراد... سلمت يالغالي

08-07-10, 04:40 AM

صح اللسانك يابو منصور ويا بو مطلق على الدرر الشامخه والجزله

وابو منصور راعي الوقفات والفزعات ولاهو غريب عليه القرم

ولاهنت يابو ريما على النقل والايراد

ولاتحرمنا من درر ابو منصور الراقيه ...

اخوك / عامر المضحي

08-07-10, 04:24 PM

الشكرالجزيل لكما عادل الدويحاني و عامر المضحي على مروركم الجميل و ردودكم الرائعه و أبو منصور شاعر كبير نفخر به و نفخر في نشر قصائده الجزله
وكما اشيد بتشجيعكم المتواصل لجميع اعضاء الملتقى على تقديم ما فيه فائده للجميع
و دمتم بخير

08-07-10, 11:18 PM

صح السان ابو منصور ولسان سعد بن مطلق
على هالقصيد الجزال.. وبيض الله وجه ابو منصور
ولاهي غريبة عليه الوقفة وهو قدها..
يعطيك العافية يا بدر
ولا هنت على هالآيراد الرائع لههذه القصائد
وبيض الله وجهك .. يالقرم

08-08-10, 08:25 PM

الله يعافيك يا سلطان و شكرا على مرورك الجميل و دمت بخير

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
تسميات اعضاء الطير (صور)	سلطان غزاي	ملتقى الخيل والابل والطيور	9	07-14-10 06:56 AM

الذين يشاهدون محتوى الموضوع الآن : 1 ( الأعضاء 0 والزوار 1)

انت حالي تقرأ موضوع: الطير

الطير

ديوان خاص بقصائد ومواضيع الشاعر سعود بن رزن العبدلي( يمنع منعآ بآت كتابة قصائد ليس لها علاقه بالشاعر سعود بن رزن العبدلي)