محاورة اكثر من رائعة لشاعرين من عمالقة المحاورة..


|| حبيـٌب العازمي x عبدالله الميزاني ||





حبيب

سلام بقاف للعراف مطـوي مثـل طـي البيـر
وطي البيـر يحفضهـا مايدفنهـا علـى ماهـا
أنا شاعر ولي وجهة نظر وحـده فقـط لاغيـر
أقول الشعر غبه مـن طفـح عنهـا تعداهـا !

عبدالله

هلا يامرحبا ترحيب يسبح فـي بحـر ويطيـر
يحـل مـن الديـار اللـي حبيٌـب ماتحـلاهـا
كلامـك مايتعبنـي بسيـط ولايـبـا تفكـيـر
ابا اكتبلك حروف منقطـه بسطـور ومحاهـا!

حبيب

والا ياطير يالي مايشوفك غيـر جـن مطيـر!
متى تلقـى الطيـور اللـي مخاليبـك تعشاهـا
ياعبدالله هداك الله تـراك بخيـر وانـا بخيـر
لاكن الرجل يتعـب فـي لزومـه ليـن يلقاهـا

عبدالله

أقول انك واشك انـك تبيـع الاجـر بالتأجيـر
وهـاذي عدٌهـا يالعازمـي وانــا اتعـداهـا
أبو سبعة كفر يمشي ولاهـو مثـل ابوجنزيـر
ابوجنزيـر يسـرف فالجبـال اليـا تـولاهـا

حبيب

أنا مانيب مثل اللي يقولـون الذهـب قصديـر
وخو مره على الجـره لا كحلهـا ولا اعماهـا
لو ان الذيب يمشي لين يصدم في جبـال النيـر
مصيبـة قـوم صالـح ناقـة الله وسقيـاهـا!


عبدالله

أنا ماقول فيـك اطقـوق لاقاصـر ولاتقصيـر
ليـا ضيعتلـك حاجـه بعـد شهريـن تلقاهـا
من اللي يحسبن الخمر والميسر لحـم خنزيـر
والارض وماطحاها من ضحاها الليـل يغشاهـا


حبيب

ليا طاب المريض من المرض وش حاجة التقرير
نهايـة علتـه يومـن ربـي يسٌـر ادواهــا
عطاك الله من هموم الليال السود حمـل بعيـر
وحدٌتك الجمال اللـي هديـرك ضـاع فرغاهـا


عبدالله

سمعت انك عميـلٍ تدعـم الارهـاب والتفجيـر
من اللي كنت تنفـض راسهـا وتحـك علباهـا
ولكـن البنـادم ماعليـه ان المصيـر يصيـر
وتطهيـر النفـوس احسـان نيتهـا وتقواهـا


حبيب

كمنك قد قضيت اسبوع في كابل وفـي كشميـر
وحالـق لحيتـك وتعيٌـر العربـان بلحـاهـا
ولا يالزير سالم ليت مثلـك لـو نـص الزيـر
علشان العرب تعرف عصاهـا اللـي تعصٌاهـا


عبدالله

ولا يالعازمي مسـرع ومتهـور بـدون انبيـر
ولا يازينهـا لـو القـدور البيـض بغطـاهـا
أكل مفرودها سبع الخـلا وازرت تـرام الضيـر
ولاندري مـن اللـي عندهـا ويـروح ماجاهـا


حبيب

أناخابرك ماتسـرع ولاكنـك عكسـت السيـر
وجتك النجده اللي يقبس ادناهـا مـع اقصاهـا
عساهـا ماتـرام الا بعـد يحصلٌهـا تدبـيـر
وعبـدالله يرعاهـا مايـدري كيـف يرعـاهـا



وسلامتكم