وآعزانا مالنا عنك إعتراضا=يافقيدٍ كل ابونا فاقدينه
الحفر من ضيقته ضاق الرياضا=والقصيم ينوح من نوح المدينه
وآعزانا في ولد راع البواضا=أشهد إن فقده علينا أكبر غبينه
فقدته من فقدة اللي مايعاضا=نايف اللي كل أبونا خابرينه
ياوجودي وجد من صلى وفاضا=حامله مع ناس مثله حاملينه
ماقدر عن دمعة الحزن يتغاضى=زايدٍ من زود حزنه سامعينه
ينتفض من قوة الجهش إنتفاضا=يوم ناظر قبره اللي حافرينه
كل رجلٍ يعرف تراحيب غاضا=وده إن ربعة بداله دافنينه
أكتضاضي حزن.. يوم إله أكتضاضا=في صدور عياله اللي حاويينه
حزنهم حزن الصبور اللي تراضى=مع زمانه غصب ماهي في يدينه
إصبرو والموت حق ولايقاضى=إصبرو لو لحظة الفرقى حزينه
نفرض إله الذاكره ماهو إفتراضا=مثل ابوه اللي ماحنا ناسيينه
جعل قبره فيضةٍ غير الفياضا=لاإستهل بمقدمه مستقبلينه
والله إني داعيٍ له من بياضا=يالله الفردوس واللي ساكنينه
ياحفر من ضيقتك ضاق الرياضا=والقصيم أبكى حزن قلب المدينه
والنهايه في فقيدٍ مايعاضا=مثل ابوه اقول وأنتم خابرينه
كل من يعرف ولد راع البواضا=حاش قلبه من عنى الفرقى غبينه