الشعر غيمة والمطر كنّـه حروف=وآذاننا صحراء ذبحها ظماها
ضجّة رحى بعض القصايد ولا نشوف=منها فوايد.. كود ضجّة رحاها
الشعر سَـبْك وحَـبْك تاريخ معروف=ماهي بضاعة سهلةٍ مشتراها
الشعر ماهو درب... دروب و صروف=انشد وتلقى من يدلّـك علاها
ماهي بكيفك رصّة حروف و وصوف=وانته مضيّع أرضها من سماها
ياللي تبي تكحل عيونك بلا خوف=كحلك لها يمكن يسبّـب عماها
وشلون حجّك يكتمل دون ماتطوف..؟=وشلون توصف حاجةٍ ما تراها..؟
تدري وش أسوي ليا شفت لي ضعوف=تشري قصايد ناس باعت حياها..؟
آقف.. واناظر.. واصفق كفوف بكفوف=وارجع وافكّر.. هالبشر وش دواها..؟
متى على الله يصلح الحال ويروف..؟=وذيك الصحاري ترتوي زلال ماها..؟
تبغى الحقيقة .. باختصار.. وبلا كلوف..؟=قدر الرجل في كلمته لا حكاها