أمطرت غيمة سماي و بلّلـت صـم الجبـال=وارتوت جدب الأراضي وأصبح الوادي يسيـل
في تجمّاع الرجال اللـي يضـدّون الرجـال=والله إني ما اتوانى دون ما اسـوق الجزيـل
ما حضـرت إلا كرامـه واحتـرام وامتثـال=للكريم اللي دعاني .. يا عسى عمره طويـل
بستعين بخالق الأكـوان .. و أميْـل العقـال=واعتلي هامة شموخ المستحيل .. "المستحيل"
يا سلام الله عليكـم يـا كريميـن السبـال=يا هل البلطا النشامى .. جيل ياتي بعد جيـل
و يا سلام الله على شيخٍ ليـا جالـه مجـال=يـارَد العِـد القـراح.. ولا يحيـد ولا يميـل
فيصل اللي لا وقف .. يفصل حرامٍ عن حلال=الأصيل ابن الأصيل ابن الأصيل ابن الأصيـل
يا حفيد معرّبيـن الجـد مـن عـمٍ و خـال=والله إن المدح فيكم لو كثـر.. يبقـى قليـل
جدّك بتسعين فـارس .. والحقيقـة لا تـزال=تعتلي بغداد في وضح النهار و وسـط ليـل
يا سلالة كاسبين الطيب من مـاضِ الليـال=يوم بعض الناس خامل .. لا يحط ولا يشيـل
مكرمٍ ضيفك و جارك .. مايجيـك الإختـلال=عارفٍ حـدّك .. وسـدّك مايبيّحـه الذليـل
رافعٍ راسك شموخ بكـل حِـل وكـل حـال=مرتفع عن كل قال .. و مرتفع عن كل قيـل
قلتها.. والعز راية .. و أنـت للرايـة مثـال=والثقيلـة مـا كسبهـا كـود رجّـالٍ ثقيـل
والنعم في كل راسٍ ما انحنى صوب الهـزال=خص في ربعي هل الردات مقبـاس الفتيـل
واعذروني كان ما أوفيت المدايـح باكتمـال=شاعر وجهدي بذلته فـي مزابيـن الدخيـل