بديت باسم مكون الكون تكوين=ربً خلقني من عدم و عتنا بي
ربً يخافونه جميع المصلين= الواحد المعبود منش السحابي
وخلاف ذا يالله تدلن على الزين= يالله توفقني كلام الادابي
ياعيال مضحي يالقروم الحكيمين=يالفاهمين وعارفين الصوابي
ترى الذلول اللي طلع نوعها زين= وضحىً قليل شكلها بالركابي
إن حط الرسن في رأسها تعجب العين= وإن كان فكيتوه راحت هبابي
إن صلحت ياطيبها تقضي الدين= وإن سيبت مصير أهلها العذابي
وانتم عرفتم طيبها والبراهين =يوم السنين الماضيه ماتهابي
إثنوا وراها يالرجال الشجيعين= قبل يطيح شدادها والزهابي
ترى من الإهمال كثر الرعايين =أليا كثرو الرعيان كثر السيابي
يعرف معانيها الرجال الفهيمين= وإلا عند الجهال مثل الترابي
واللي مايعرف قدرها بالميادين= في عرفه الغرنوق مثل الغرابي
يالله تغفر له أذنوبً ملايين= اللي ما سوى خير من عقب شابي
واللي برق له برق في تالي الحين= وبرقنً برق له راح مثل السرابي
يهديه ربً نزل الضاد والسين= وانزل سفينة نوح فوق الهضابي
وصلو على سيد البراء والنبيين= عداد ما خط القلم في الكتابي
على نبيً بين الزين والشين= اللي من المعبود جاب الخطابي