قصيده للشاعر:فلاح العراك المطيري يذكر ويتشوق الي ماضي القبيله

--------------------------------------------------------------------------------

السلام عليكم ورحمة الله وبركاته


هذي قصيده قالها شاعرنا يعبر فيها عن اشتياقه للماضي ولمواطن مطير


قال:

كريم يا برقن سرى كل ليله =سحبه تقافت والرعود اقتفتها
يا بو سعد لعل برقن نخيله =يسقي ارواق محقبه وارجبتها
يسقي هذا ليل الصفي والدعيله =يسقي الفياظ الطامنه من تحتها
وليا اختلط نوار عشبه وسيله =شبعتبه الفاطر ماهي بنعجتها
ما امرحت يالعواي بالقصر ليله =شديت واكلتوا طرات ازهوتها
ولابد لك يم الشعيب اتحويله =النفس تتبع شفها وشهوتها
قد ذقت طرد مفاختات الجميله =خشوفن شخاتيت الشعيب ادهلتها
هذي توصبها وذيك تحبيله =مضربك بين ظلوعها وكوعتها
ابيك تمشي بالرسوم المحيله =منازلن لمطير قد انزلتها
وتشوف كم يرعا بها من قبيله =اهل حماة وحمص كيف اعرفتها
الصلب يالعواي واعز تيله =ترعاه ناس ما عرفنا لغتها
عقب الطياح الي من اول يميله =اليوم دقته الغنم بع سمتها
ليا شاف وجه المعرفه يشتكيله =يشكي وينخا مطير في تاليتها
يالصلب ما بيدنا اليوم حيله =ازبن على الي كل نجد احتمتها
على السعود الي تنجي دخيله =كل اليدين الطايلات اقصرتها
لو الزناد ينوش راس الفتيله =راحو طقق وهل الشطوط اعبرتها
من اول الصمان محد يجيله =مطير حمران النواظر حمتها
من جالها شقر المشوط انعبيله =كم جمعتن شقر المشوط كلتها
وان صاح صياح الضحي بالطويله =تلافتت شيابها لجهلتها
وركبو على سرد المهار الاصيله =وتعايلت والابل زمت طارفتها
ولحقو هل الابل مقحمين الدبيله =ارخاص العمار دروعها لابستها
وحالو عليهم والمحاجي قليله =مطير لحقت والذرع حذفتها
تحالو عند الشناح الطويله =وضحن زهاها خيطها برقبتها
وراحت شرايدهم لهلهم ذليله =تشفقت عقب الطمع عافيتها
ومن طاح منهم مالقي من يشيله =والخيل مرجن طايحين اركبتها
وهذي عوايدنا نهار الوهيله =لاضيعت حيرانها وفختتها