دن القلم والبوك هاتوا دواته=أبيات مرفوعة عن النقص واللوم
هات الخبر ياذيب بالحال هاته=قلبي من البارح مهوجس ومهموم
هموم راحت عـَـنــْــه وهموم جاته=و ماقدّر المولى على العبد مقسوم
الطيب رجــّــالٍ حميده سماته=ياحر يابن احرار يامــِـكــْــثـِـر الحوم
يا حزامنا عز الخوي وغناته=لو برقع القرناس ماهو كما البوم
صكـّـوا علينا القوم من أربع جهاته=علوم يتبعها.. يجي بعدها علوم
قتــّــات والقتــّـات هذي حياته=ولاّ أنت رجلٍ عن هل القيل محشوم
كلٍ على ماقيل عينه مراته=ترى الخطية مابها حبــّــة خشوم
حمدان حي ولا سمعنا مماته=له وقفتٍ يطرب لها كل شغموم
السيف في يمناه يروي شباته=مرسوم يصدر عنه يقفاه مرسوم
حل الربيع وزان شوف ابكراته=منزالها من عالي العرق حثلوم
هاذي غناة الروح .. هاذي مناته=يشوش فكري يمــّـها دايم الدوم