بديت بالخلاق هو رب الأرباب=مغنْ النفوس المومنة بالحلالا
ومن عقبها للشرذمة نحسب حساب=هذي فعول أجدادكم يالعيالا
ياسامعين الصوت لا لا للإرهاب=لا لا و لا لا ثم تسعين لا لا
أقولها وأعلن بها بين الأحباب=ويشهد على هذا عزيز الجلالا
يا أهل العقول الفارغة ضنكم خاب=شيٍ تبونه من ورانا مُحالا
وش السبب وش السبب يا أهل الأسباب=نكباتكم صارت عليكم توالا
أبناء لنا من دم وأرحام وأصلاب=نفرح بقتلكم وحنا زعالا
لكن دون الدين نفتل بالأشناب=ونقصر شوارب مثلكم يالهزالا
حنا حميناها على خيل وركاب=حتى إرتوينا من قراحٍ زلالا
عبد العزيز مهديٍ روس الأصحاب=يوم السيوف البيض فيها تلالا
مادونها رفقة ولادونها أصحاب=من شرقها لاغربها للشمالا
وجنوبها من دونها أرواح وأرقاب=هي الجنوب محصنة بالجبالا
في ضل ابو متعب عزيزة وتنهاب=يافزعة الهروين فيكم هبالا
إهبو هبيتو مابكم عقل وأدآب=والله ماتسوون سود النعالا
هو ليش تلبس لبس تلعات الأرقاب=لأنك حثالا والمدبر حثالا
ياللي ورى الشاشة تسوي لك أحزاب=أنته رذيلٍ وإلحقوبك رذالا
وجدك وأبوك وكل ربعك والأقراب=ترمي بهم في وسط جمرٍ تصالا
وأمك تشق الجيب والدمع سكاب=وتقول وش وداه لأهل الضلالا
وسبب لها جلطة ورعشة فالأعصاب=وواجة نكال وعند ربه نكالا
مايتبع الأذناب ياكود الأذناب=ولا النشاما فالمراجل تعالا
ياكاره الغترة ويالابس الكاب=حنا على الغترة نحط العقالا
وحنا ترانا للوطن درع وحجاب=والله مانرضى علية الخمالا
إن كان عندك مشكلة فطرق الباب=وتلقى الجواب إليا طرحت السؤالا
وإن كان تبحث للنشب جتك الأنشاب=غديت من فعل النشاما وصالا
يا أهل الحسد والبغض ياقوم الأكذاب=يامحرفين الدين صرتوا نذالا
حنا هديناكم على كل هنداب=ولا فاد فيكم ياوجية الثعالا
وحنا غضبنا يودع القوم هراب=وحسناتنا مثل العطايا الجزالا
وضرباتنا عند اللقاء تعطب إعطاب=وأخصامنا منا يجيهم جفالا
مايكسر المسمار ديكور الأخشاب=عندي على هذا شهود ودلالا
دين التسامح ديننا يا أهل الألقاب=ماهو بدين الفاشلين الكسالا
إقروا كتاب الله ماغيرة كتاب=وش عندكم ياضعيفين الحبالا
إقروا تبارك والضحى وإقر الأحزاب=وتشوف ذنبك في حقوق الطفالا
توبوا ترى الله يطلبة كل تواب=والله على التواب يسدل ضلالا
ماراح حق ومن ورى الحق طلاب=وأفعالكم راحت عليكم وبالا