تدرون وش معنى الهوى غلاب؟=يعني عيونـي مـا لهـا حيلـه
تذرف دموع الشوق للي غـاب=تبكيه وتبكي منـه وتبكـي لـه
من جرحي اللي بالحشا ما طاب=اشكيه فـي يومـه وفـي ليلـه
اللـي تسيّـد قلبـي المنصـاب=أموت في طرياه وادعـي لـه
أبعد وانا قلبي فـي حبـه ذاب=واعزي لحالـي واعـزي لـه
أرقب خياله من ورى هالبـاب=تسرح له أفكاري وتضوي لـه
كل القصايـد للغضـي تنسـاب=أشعـار مـوزونـه وتفعيـلـه
يا شَـعره اللي مثل ليـل الغـاب=ماحـلاه يـوم يوخـر الشيلـه
ياخصره اللـي يفتـن الشيـّاب=لامـن تمايـل جاتهـم ميـلـه
ياصدره اللي جات فيه هضـاب=بركانـهـا لا ثــار ياويـلـه
ياعينه اللـي رمشهـا صـوّاب=ما مثل عينه شفت فـي جيلـه
من كثر ماهو ياعـرب جـذاب=لعيونـه الـوادي وقـف سيلـه
ياليتنا مـن صغرنـا أصحـاب=واعرف مخاريجـه.. مداخيلـه
مافيه كلمة توصـف الاعجـاب=حتى لو انـي قلـت كلـي لـه
ابغى الحـلال يضمنـا بكتـاب=واذوب فـي ضمـه وتقبيـلـه
اصير له ثوب ويصير حجـاب=يضفي على جسمي ولا اشيلـه
في ذمتي لو يطلب الف كتـاب=لكتب على الف كتاب عشقي له
لو حللو دمـي تـرى ماجـاب=إلا حروف اسمه فـي تحليلـه
من لامني قلت الهـوى غـلاب=ناظـر عيونـي مالهـا حيلـه