سلام ياهل المجد و العرف و الطيب=و مصافحت بيض الكفوف الشريفه
و سلام يا نـطـاح صـعـب المـواجـيـب=ون ثـقـلة الـقالات عـنـده خفيفه
يــاهـل هـلا و مـكـثـريـن التـراحـيــب =يــاهـل نـفـوسٍ فـالمواقف عفيفه
و يـا كاسبـين الـطـيـب بين الأجانيب=على ظهور ملافـحـات الـسفيـفه
ان وايــق الـسـبـار روس الـمـراقـيـب=ما هو زهوف و قال انا شفت شيفه
و تـنـاوشو سـرد السلاح المـعاطيـب=ما منهم اللي داخل القلب خيفه
و تـعـاقـبـو مـن بـيــنـهـم بـالأصـاويـب=في ساعتٍ فيها الليالي مخيفه
و تفقدو من مات من سلم من صيب=هـذا بـعـد مـرجـاعـهم بـالنكيـفه
انـتـــم لـعكـفـان الـشوارب مـعـازيـب=وقـت الـرخــا ولا اللـيـال الـمحيفه
زيـدان زايــد فـي جـميـع المـطـاليـب=يـوم الـعـقـيـد يـلـد صـوبـه رديـفه
المـعـدن الـصـافـي سـليـم الـعـذاريب=يـصـبر على شيل الحمول الكليفه
ابــو سعيـد مـبـركن شـمـخ النـيــب=فــوق الـصـيــانـا اللي دوامٍ مـريـفـه
تسلم يميـنك يا عطيـب المضاريـب=و الحـق يـصعـب غـطـته و تـحريـفه
اقـولـهـا و الصـدق مـا هـو لنـا عيـب=دايـم لـيـا قـلـنـا الـمـثـايـل طـريـفه
المرجله يـا سليم فـيكم مواهـيـب=ان فـــاز الأول ون الأخـــر وصـيــفـه
تـربـح يـديـنٍ في يديـكم مقاضيـب=و يـمـانـكم ليـمـانـنا مـستـضـيـفه
يا سليم في كل المراجل مناصيب=وظـيـفـتـاً يـا طيـبـها من وظـيـفه
و يا طيبكم يا بقيل شبان مع شيب=عنوانكم فــالمجد بـاعلا صحيـفه
فـيـكم كـرم حـاتـم نـقي المشاريـب=و فيكم صلابت من نقل حمل الايفه
يـا صحابنا اللي من خيـار الأصاحيب=كــان الـمـقـرد و لـعــوهـــا بـلـيـغـه
انـتـم لـنـا عن حـامـيــات اللواهيـب=و حنـا لكم مثـل الجبـال المـنـيـفه
وليـا استـقـرت فـاليديـن المحاليـب=يـلي تـطـمـع من ورانــا شفـيـفه
يــوم الـصحـابه يـبـطلـون الأكـاذيـب=الله خـلـق بيـن الـقـبـايل خـليـفه
شيخان من شيخان حكمه و تأديب=وليا غضب ينهي جدلها بسيـفه
و حـنـا نفكــك مـبـهـمات اللـوالـيـب=و قـحص المهار ليا ركضنا عسيفه
الجـد بـن عبــاد و الـعــزوه صـعـيـب=و عصيهم حدب السيوف الرهيفه
و صلوا على اللي رتب الحق ترتيب=من منزل الايات ما هـي ضـعـيـفه