يجول بصدري طيرٍ من طيور الحرّه=يدوّر في سما صدري عن الذعذاعي
تحوّطْه الجبال العوج والمحمرّه=ويبشرّه اللهيب مفَارق المرباعي
يناديه المكان اللي يشوف الضرّه=ويرفض للسماع بنيّة المطلاعي
هجوسٍ عذّبته الجادل المغترّه=على وضح النقاء يوم الهواء نزّاعي
ألا ياراعي القوس المعّنى جرّه=ترى قلبي من اسباب الهواء ملتاعي
إلي خلٍ عسى ربي يكافي شرّه=تهادى لامشى من جيده الجزّاعي
يلومون الفيافي ليه ذيك الجرّه=تبيّن فالقدم مابيّنت فالقاعي..؟
تجاهلني وأنا قلبي من اللي مرّه=يحن إلها حنينٍ هشّم الأضلاعي
ألا ياويل حالي ياهذيك الغرّه=ليا قامت تناظر صدرها الشرّاعي
ولبسِ ساتره من ركبته للسرّه=إذا قام يتمايل قدّها الرّكاعي
زمانِ فات لي بين الحلا والمرّه=كذا دين الهوى راع الهوى طماعي
أشد لدارها جيب العنا وأطرّه=وأنشّد عنّها طرقيّها والراعي
ويذكرني بمبسمها وذيك الجّرّه=وأغانيها لحمامٍ فوقها سجَّاعي
بقايا طيفها اللي ماترك لو ذرّه=من أطلال الغرام الكامل الإبداعي
زمانٍ كان فية الحظ لله درّه=يماشيني على تقسيمتي وأنواعي
وألا ياطيري اللي مالقى ماسرّه=تحرر عن سما الضيق الفجوج وساعي
هواء روحي ضعون الجادل المغترّه=ولو هجر الروابع أيّس المرباعي