ياليل الورطه يعني لازم أنا 
طيب نجاوب وش نسوي
إيش كآنت لعبتك المفضلـه وأنت صغير ؟
طبعاً الاتاري و الكيرم (( ياهو فله الكيرم
نشيد كنت تحبه أيام الطفولـه ؟
أمي أمي ما أحلاها 
شخصيه كرتونيـه كنت تحبهآ ؟
كابتن ماجد كنت أشجعه بعد 
كيف كنت أيام طفولتك شقي ولا مؤدب ؟
مؤدب اذا كنت لحالي واذا مع العيال شقي
ماهي المواقف اللي عرضت فيها أهلك للإحراج ؟
لا أتذكر
هل كانت شخصيتك قوية أم مغلوب عليها ؟
مره كذا ومره كذا
موقف حصل في طفولتك كان له دور في تغيير مجرى حياتك ؟
وفاة أحد اصدقاء الطفوله بعد ماسافر للجنوب وبدت المدرسه فقدته ما درس معنا وبعد فتره لقيت واحد مع خالي يشبه لصديقي وسألته طلع اخو صديقي وسألته عنه قال توفى في حادث سير بداية العطله
أكبر عيديـه جمعتها كم ؟ ومن مين ؟
200 ريال من ابوي وامي وعمي
يوم كنتِ صغير/ه إيش كآنت تسريحتك المفضلـه ؟
كدش ههههههههههه ترى أنا أول من اخترع الكدش بالعالم 
مذكر ان ابوي وداني الحلاق الا وحط شعري على الصفر طبعاً خايف على من العين شعري ناعم (( وخر بس
من كـآن يدلعك أكثر أبوك أو أمك ؟
أوميمتي الله يخليها لي
اســم دلعك بالطفولـه لحد الآن ينادونك فيـه ؟ وماهو ؟
سمسم
بطفولتك كنت تبكي إذا ماجلست بالاول بالطابور أو الفصل ؟
بالعكس كنا نتهاوش على آخر واحد بالطابور
هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
ههههههههه اذكر ان اطول لعبه جلست معاي مدة اسبوع كانت سياره بالريموت
ايش اكثر حلاوة كنت تحبها ؟
مادري وش اسمها
ايش اسم اول مـدرسـه أو مدرس درسك ؟
المدرس اذكر اخر اسمه المجلي ((( كان عليه جلد يخلي الواحد يفحط من البكا
هـل كـنت تـعانـي مـن اخـطاء فـي مخـارج الحـروف ؟
لا ولله الحمد
موقف بطفولتك ما تنساه ؟ وليـه ؟
مره كنت في حصة العلوم وكان المدرس يشرح وأنا مفهي داخل جو ماحس باللي حولي وفجأه سمعت صرخه بإذني خلتني أنط من الكرسي والطاوله طاحت من الخوف أثاري المدرس ينادي على وأنا مادري عنه وقرب مني وفجر اذني بصوته ومن بعدها صرت اخاف من المدرسين و أكره المدرسه
أجمل رحلـه طلعت فيها بطفولتك ؟
طلعت لملعب الملز وشاركت بمهرجان وكان اول مره ادخل ملعب في حياتي
مكان معلق في ذاكرتك من طفولتك ؟ ولماذا ؟
حديقة الحيوان لأنها أول طلعه لي بحياتي
مين أقرب صديق في طفولتك وهل كانت بنت ولا ولد ؟
كان وليد ولد عمي
اتمنى إني ما كبيت العشاء 
وأختار اللي بعدي محمد معوض